By: Faheem Ur Rehman Faheem
غیروں کو دیکھیے مگر گھر بھی دیکھیے
پیروں کو دیکھیے مگر سر بھی دیکھیے
اک نظر میری چشم تر بھی دیکھیے
پھر خشک آنکھوں کا سمندر بھی دیکھیے
بگڑے ہوئے عمر گزاری ہے آپ نے
اب خدا کے واسطے سدھر کر بھی دیکھیے
عشق کیجیئے آپکو اجازت ہے میری
اچھا ہے جیتے جی مر کر بھی دیکھیے
دیکھئے فرعون کی سلطنت مگر
پھر کیا ہوا اسکا حشر بھی دیکھئے
عشق نبی میں رو پڑا کھجور کا تنا
اور بول اٹھا ایک پتھر بھی دیکھئے
ہزاروں کی فوج پہ نظر ڈالیے مگر
وہ تین سو تیرہ کا لشکر بھی دیکھئے
کب تک کروں نظر کرم کا میں انتظار
اب دیکھئے حضور ادھر بھی دیکھئے
صورت پہ کسی کی نہ جائیے فہیم
باہر تو دیکھئے مگر اندر بھی دیکھئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?