By: dr.zahid sheikh
نہ مے کدے میں کہیں ، نہ کسی شراب میں ہے
نشہ تو اس کے مچلتے ہوئے شباب میں ہے
کیوں ماند پڑنے لگی روشنی ستاروں کی
ابھی تو ہوشربا حسن وہ نقاب میں ہے
وہ چاند سے بھی زیادہ حسین مجھ کو لگا
میں مانتا ہوں بہت حسن ماہتاب میں ہے
کوئی مثال نہیں اور اس کے عارض کی
کہ ایسا روپ تو ہوتا فقط گلاب میں ہے
عیاں نہ کرنے لگے اس کو میرا حال کہیں
جو چھپ کے رہتا کہیں میرے اضطراب میں ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?