By: Ishraq Jamal Ashar Chishti
انہونی سی یہاں پہ عجب بات ہوگئی
سورج کی روشنی میں سیاہ رات ہوگئی
رب نے لقب حبیب کا جن کو عطا کیا
خلقت میں سب سے اعلیٰ وہی ذات ہوگئی
محفل سجائی جب بھی ولادت کے جشن کی
گھر میں ہمارے خوشیوں کی بارات ہوگئی
روضے کی دھول کا ہے تبرک ملا مجھے
والله سب سے اعلیٰ یہ سوغات ہوگئی
شکوہ پسند نہیں ہے اسے کوئی بھی یہاں
برہم وہ سن کے مجھ سے شکایات ہوگئی
سب مرحلے تو طے ہوئے حسن سلوک سے
جو ہو سکی نہ طے وہ جزئیات ہوگئی
مقصد سے ہٹ کے اس نے خطابت کری یہاں
تقریر کیا ہوئی کہ خرافات ہوگئی
ہر ا ک اداء پہ اسکی فداء جان و دل سے تھا
اس عاشقی میں پھر بھی مجھے مات ہوگئی
پیاسی زمیں کی رب نے سنی ہے دعا اشہر
دھرتی سلگ رہی تھی کہ برسات ہوگئی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?