By: Fazlul Hasan
اتنی اونچی بھی اب اڑان نہ بھر
رکھ زمینی حقیقتوں پہ نظر
یونہی کب تک تکے گا راہ گزر
دور منزل ہے کر لے عزم سفر
ٹمٹماتا ہے زندگی کا چراغ
جلتا بجھتا رہے ہے شام و سحر
ختم ہونے لگی ہے بینا ئی
دور ہونے لگے ہیں نور نظر
مفلسوں کے چراغ جلنے دے
اے ہوا آندھیوں کے کان نہ بھر
جانے کس دم بلا وا آ جائے
اب حسن باندھ بھی لو رخت سفر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?