By: Hammad Hassan
ابھی تو حیرتوں کو
ھوش بھی آیا نہیں
کہ آنکھ جپھکائیں
زباں سے تر کریں ان خشک ہونٹوں کو
یہ سب بکھری ہوئی چیزیں
ذرا ترتیب سے رکھ دیں
کتابوں کاغذوں کو میز پر
جلدی میں رکھ کر
فرش سے کمبل اٹھائیں
کیھنچ لیں کرسی کو جلدی سے
ذرا کمرے کی کچھ حالت بدل جائے
تو تم سے کچھ تکلف سے کہیں
کے بیٹھ جائیں
اور اک لمحے کی خاموشی
کے وقفے سے
یہ پھر پوچھیں
کہ یہ تم ھنس رہی ہو کیوں
پر اس سے قبل کہ تم
صندلی ہاتھوں کو چہرے سے ہٹا کر
میری جانب قدرے شوخی سے
شرارت سے
اشارہ کر لے
میں خود ہی سمجھ جاؤں
سبب تمھارے ہنسنے کا
میری حیرت میری حالت مرا کمرہ
تو ہم دونوں
اکھٹے دیر تک ہنس لیں
کہ اس کے بعد رونا بھی ہے دونوں کو
ابھی تو حیرتوں کو ہوش آنے دو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?