By: Dr.Zahid Sheikh
تیرا پیار تھا کہ عذاب تھا
وہ کرم بلا کا عتاب تھا
میرے پاؤں زخموں سے چور تھے
تیرا راستہ بھی خراب تھا
کہوں کس طرح میں وثوق سے
کہ وہ آب تھا یا سراب تھا
ہے بڑی تپش اسے ڈھونڈیے
جو تمازتوں میں سحاب تھا
وہی شخص دشمن جاں ہوا
جو کبھی مرا انتخاب تھا
میری تشنگی کو بڑھا گیا
کہ ترا ادھورا جواب تھا
جانے اب کہاں ہیں وہ ہستیاں
جنھیں دیکھنا بھی ثواب تھا
کہیں سب گناہوں کی معافیاں
کہیں ہر قدم پہ حساب تھا
چلو زیست یوں بھی گزر گئی
گو کہ مشکلات کا باب تھا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?