By: Dr. Muhammed Husain Mushahid Razvi
ہے دعوا ہم نہ چھوڑیں گے شہِ ابرار کا دامن
مگر کیا ہے کہ چھوٹا ہے رہِ سرکار کا دامن
ہماری عظمتیں دنیا میں یوں رسوا نہیں ہوتیں
اگر ہاتھوں میں ہوتا سنّتِ سرکار کا دامن
لحد میں اُن کی ظلمت کا گذر ہو ہی نہیں سکتا
کہ جو تھامے رہیں اس معدِنِ انوار کا دامن
بروزِ حشر ہر اک سمت نفسی کی صدا ہوگی
ہمارے کام آئے گا اُسی غم خوار کا دامن
مُشاہدؔ سُرخ رُو ہوگا جو ہاتھوں میں رہے تیرے
شہنشاہِ زمن ہاں! احمدِ مختار کا دامن
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?