By: Sara Afzal
تمہارے قدموں کی منتظر ہوں تمہی کو میں یاد کر رہی ہوں
تمہیں تو پرواہ کچھ نہیں ہے میں شام سے آہ بھر رہی ہوں
وفا کا جذبہ نہ ختم ہو گا یہ سلسلہ اب نہ تھم سکے گا
تمہاری الفت کے پھول لے کر یہ دیکھو پھر سے سنور رہی ہوں
ہر ایک لمحہ یہ سوچتی ہوں کہیں نہ کھو جاؤ تم جہاں میں
اے میرے ساتھی اے میرے ہمدم تمہارے کھونے سے ڈر رہی ہوں
ہجر نے سلگا دیا ہے تن من عجیب حالت ہے آج میری
الاؤ یادوں کا جل رہا ہے نہ جی رہی ہوں نہ مر رہی ہوں
پکارتی ہوں تمہی کو ہر دم سمیٹ لو مجھ کو میرے ساجن
یہ آندھیاں ہیں محبتوں کی میں تنکا تنکا بکھر رہی ہوں
یہ مانتی ہوں یہ جانتی ہوں ندی ہے منہ زور چاہتوں کی
مگر ہوں مجبور دل کے ہاتھوں میں اس میں سارہ اتر رہی ہوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?