By: Dr.Muhammed Husainb Mushaid Razvi
مِٹا کے دل سے خیالِ ہستی ، خدایا! عشقِ حبیب دیدے
کٹے یہ سر نامِ مصطفیٰ پر ، تو ہم کو ایسا نصیب دیدے
نگاہِ باطل میں تیغِ بُرّاں ، ہوں اپنوں میں نرم ومعتدل ہم
جلال دے ، اُنس وپیار بھی دے ، شعورِ فہمِ رقیب دیدے
مٹا کے دل سے تو داغِ فُرقت ، تمنا پوری ہماری فرما
طوافِ کعبہ نصیب کردے ، درِ حبیبِ لبیب دیدے
جو نبضِ عالم پہ ہاتھ رکھ کر ، غم و الم کا کرے مداوا
جو فکرِ صالح کا ہو مبلغ ، رضاؔ سا ہم کو طبیب دیدے
دعائیں میری قبول فرما ، تو دفن کے واسطے خدایا
مُشاہدِؔ رضوی خستہ جاں کو ، زمینِ کوئے حبیب دیدے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?