By: Dr.Muhammed Husainb Mushaid Razvi
دشتِ طیبہ ہے ہمیں باغِ ارم کی صورت
یاخدا! اب تو دکھا دونوں حرم کی صورت
حالِ دل کس کو سناوں آپ کے ہوتے ہوئے
آپ ہی ہم کو دکھائیںگے کرم کی صورت
جس کو ملتا ہے جو ملتا ہے آپ ہی کا صدقہ ہے
آپ نہ چاہیں تو نظر آے نہ غم کی صورت
آپ چاہیں تو ہو شاخِ شجر پل میں شہا
بے گماں تیز تریں تیغِ دودم کی صورت
دور ہے ہم سے شہِ کون و مکاں کے صدقے
درد و غم رنج و الم ظلم و ستم کی صورت
درِ اقدس پہ جبیٖں خم ہو مری ، میرے خدا
جس گھڑی سامنے ہو مُلکِ عدم کی صورت
از پیَ نوریؔ ، مُشاہدؔ کی دعا ہے مولا
’’اُن کے کوچے میں رہوں نقشِ قدم کی صورت‘‘
٭
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?