By: Dr.Zahid Sheikh
ملی نہ نوکری بچوں کاپیٹ خالی ہے
ہاں جیل بھیج دو روٹی جو اک چرا لی ہے
خزانہ لوٹ کے اس ملک کا حکمران گئے
صفائی ہاتھوں کی سرکار ہم تو مان گئے
کیے تھے وعدے محض ووٹ لینے کی خاطر
تھا اقتدار کا لالچ یہ لوگ جان گئے
بیرون ملک تو دولت سبھی چھپا لی ہے
ہاں جیل بھیج دو روٹی جو اک چرا لی ہے
کرے جو چوری اسے ہتھکڑی لگا ڈالو
غریب شخص کو نطروں سے ہی گرا ڈالو
امیر ملک بھی لوٹے تو اس کو دو عزت
اور حکمران اسے ملک کا بنا ڈالو
چمن ویران ہے ، خوشحال اس کا مالی ہے
ہاں جیل بھیج دو روٹی جو اک چرا لی ہے
ملی نہ نوکری بچوں کا پیٹ خالی ہے
ہاں جیل بھیج دو روٹی جو اک چرا لی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?