By: فاروق نور برہانپور ایم پی اندیا
ہماری آنکھ نہائی نہیں بہت دن سے
تمہاری یاد بھی آئی نہیں بہت دن سے
بہت دنوں سے میں رویا نہیں ہوں جی بھر کے
کہ دل نے چوٹ بھی کھائی نہیں بہت دن سے
جدھر بھی دیکھو اندھیروں کی حکمرانی ہے
کسی نے شمع جلائی نہیں بہت دن سے
تمام گھر بھی مرے ساتھ بکھرا بکھرا ہے
جو تو نے زلف بنائی نہیں بہت دن سے
خدا ہی جانے میں کیسا ہوں کیسے حال میں ہوں
خبر خود اپنی بھی پائی نہیں بہت دن سے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?