By: سید مجتبی داودی
ربط سوزِدَرُوں دھواں تک ہے
درد کا سلسلہ فغاں تک ہے
سحر انگیزی تو زباں تک ہے
قصہ جو کچھ بھی ہے بیاں تک ہے
وُسْعَت دامَنِ حَیات نہ پُوچھو
یہ زمیں کیا ہے آسماں تک ہے
کہکشائیں دکھا رہی ہیں راہ
زندگی کا سفر کہاں تک ہے
اک فَریب ِ خَیال ہے عالم
مظہر رنگ و بو گماں تک ہے
میں کہ اک طائِر شکستہ پر
شوق پرواز آشیاں تک ہے
یہ زمیں کا سفر ہے اے شاعر
گردش ہفت آسماں تک ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?