By: Khalid Mahmood
ٹھہر جاؤ چلے جانا ابھی ارمان باقی ہے
ہلال نو نکلنے کا ابھی اعلان باقی ہے
محبت کے سفر میں تم ابھی سے ٹھک گئے اے دوست
ابھی آیا ہے خانیوال ، ابھی ملتان باقی ہے
الیکشن میں ہوئے ہیں منتخب پھر سے وہی چہرے
نتیجہ آ چکا ہے پر ابھی اعلان باقی ہے
ابھی تو چند غزلیں ہی سنی ہیں آپ نے میری
ذرا دل تھام کے رکھنا ابھی دیوان باقی ہے
شرم کاہے کی کرتے ہو ذرا دل کھول کے بولو
کہ زخموں پہ چھڑکنے کا ابھی سامان باقی ہے
میں باقی ہوں، تو باقی ہے، یہ باقی ہے، وہ باقی ہے
مگر کوئی نہیں کہتا کہ پاکستان باقی ہے
ابھی تم بیر کھا کھا کہ گذارا کر لو اے لوگو
ایمرجنسی اترنے کا ابھی فرمان باقی ہے
کہاں تک کھاؤ گے میرے وطن کو راہنماؤ تم
خدارا بخش دو اس کو ذرا سی جان باقی ہے
کہ اتنی بے حسی پہلے کبھی دیکھی نہیں خالد
نہیں انسانیت تو کیا، ابھی انسان باقی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?