By: hussain nisar
خزاں کا خوف کسے گلزار اپنا ہے
بھر ے شہر میں وہ جانِ بہار اپنا ہے
ہمیں بھی اب نہیں مطلب غرض پرستوں سے
خوشا نصیب کہ پیمانِ یار اپنا ہے
سو پھر رہا ہوں زمانے کے دکھ لئے دلمیں
بھرے شہر میں یہی غم گسار اپنا ہے
یہ اور بات ہوئیں اجنبی فضائیں بھی
سو دکھ نہیں کہ کوئی دور پار اپنا ہے
لٹے ہیں عشق میں ارمان اس طرح پیارے
قبائے جسم کہ اب تار تار اپنا ہے
سنائیں کس کو دلِ پر محن کی مجبوری
کہ ہم سے روٹھا ہوا آج یار اپنا ہے
بھلا سکا نہ ترے وصل کی لطافت کو
ترے فراق سے سینہ فگار اپنا ہے
وہ ملتفت ہی نہیں ہے تو کیا کیا جائے
گزر اگرچہ سرِ کوئے یار اپنا ہے
آ کچھ سنا دے سخن مدحِ یار کی صورت
نثار عشق میں نامہ نگار اپنا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?