By: Khalid Roomi
سارے عالم سے نرالا نکلا
جو ترا چاہنے والا نکلا
دل مرا رنج کا پالا نکلا
شکر ہے، ظرف میں اعلٰی نکلا
کب نکلتا ہے خوشی سے کوئی؟
آپ نے گھر سے نکالا، نکلا !
میرا ہر شعر اثاثہ تھا مرا
اس میں بھی تیرا حوالا نکلا
کوئی بھی وعدہ وفا ہو نہ سکا
جس کو دیکھا ترا ٹالا ، نکلا
آپ کی دید کی خاطر، عالم
گھر سے باہر شہ والا ! نکلا
میرے زخموں کا چراغاں دیکھو
دشت میں ان سے اجالا نکلا
اشک آنکھوں سے چھلکتے دیکھے
دل لا لبریز پیالا نکلا
ہر کہانی کا جدائی انجام
کیا ہی ظالم یہ رسالا نکلا
دیکھا رومی ! ترا دیوان بغور
جا بجا غم کا حوالا نکلا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?