By: جنید عطاری
موسمِ وصل نہ رہے میرے
ہجر کے شوق بھی گئے میرے
لاش پے لاش گرتی جاتی ہے
کیا سبھی یار چل بسے میرے؟
ہوں میں اب کس کی داستانوں کا؟
عالمِ حال ہو چکے میرے
میں بھی اب اُن سے تھکنے والا ہوں
یار بھی مجھ سے ہیں تھکے میرے
ہے ندامت کہ میں تمھارا نئیں
ہے یہ شکوہ نہ تم رہے میرے
نہ ملا کوئی بھی سراغ اب تک
اس نے کیوں زخم تھے سہے میرے
سوگ گا سا سماں رہا اُس پار
اور جنازے بھی تھے اٹھے میرے
ذکر مت کیجیئے وفاؤں کا
بھر دیے زخم ہجر کے میرے
پڑ گیا کال میری نیندوں کا
خواب آنکھوں میں مر گئے میرے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?