By: dr.zahid sheikh
ڈسنے لگا ہے مجھ کو تری خاموشی کا ناگ
پلنے لگا ہے پھر سے مری زندگی کا ناگ
دنیا سے بھاگ کر ترے پہلو میں آ گیا
رہتا ہے پر یہاں بھی تری بے رخی کا ناگ
ہوتا ہے مختصر سا مراسم کا سلسلہ
جب دوستی کے ساتھ رہے دشمنی کا ناگ
ہوتی نہ زندگی مری اتنی بھی بے سکوں
ہوتا نہ میرے ذہن میں جو آگہی کا ناگ
دشوار راستوں کا اندھیرے میں یہ سفر
چلتا ہے میرے ساتھ مری بے بسی کا ناگ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?