By: Arbab Bazmi
ماں جائے سے ڈَر لگتا ہے
اَب سائے سے ڈَر لگتا ہے
جِس میں چاہت نہ ہو شامل
اُس چائے سے ڈَر لگتا ہے
گھومے تھے ہم جس جس جا ، اَب
اُس جائے سے ڈَر لگتا ہے
مظلوموں کے دِل سے نِکلی
اِک ہائے سے ڈَر لگتا ہے
اِک دُوجے کے دُشمن ہیں سب
ہمسائے سے ڈَر لگتا ہے
بچھڑیں جس سے پیار بھرے دِل
اُس رائے سے ڈَر لگتا ہے
جھلسائے جو تَن مَن بزمی
اُس سائے سے ڈَر لگتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?