By: NEHAL INAYAT GILL
زخمی کُونج دے وانگوں سدھراں کُوک دیاں
نہ سُنے صداواں کوئی کسے دی ہُوک دیاں
یاداں والے ناگ ہائے ڈسدے سینے تے
سپنیاں ہجر قراق ہائے پل پل سُوک دیاں
مردے نے اوہ ہوکھے بھر بھر ہر ساہ نال
جس نوں آون ساہ نال یاداں معشوق دیاں
پوہ ، ماگھ دیاں راتاں دُکھ وچھوڑے دے
سرد ہواواں گولیاں لگن بندوق دیاں
صفتاں کر کر تریاں کدے نہ تھکدے ساں
گلاں پہیاں اج لکونیاں ترے سلوک دیاں
میری خوشیاں میرے ہی گھر بند کر کے
چابیاں لے گیاں نال تُوں میرے صندوق دیاں
گلاں دے نہالؔ مَیں چھٹیاں ساڑیاں کل
پر اِنجھ لگا جیوے چھٹیاں مینوں پھُوک دیاں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?