By: Anwar Kazimi
اُس خرابے میں کئی لعل و گوہر بستے ہیں
جس خرابے میں غر یبانِ شہر بستے ہیں
وسعتِ فیضِ جنوں ، اہلِ خرد کیا جانیں
یہ وہ دنیا ہے جہاں اہلِ نظر بستے ہیں
ظالمو ، غارت گرو ، شہر اُجاڑا نہ کرو
بستے بستے کئی صدیوں میں شہر بستے ہیں
کچھ مرِی سوچ کی دنیا ہے فسانوں جیسی
کچھ مرِی آ نکھ میں خوابوں کے نگر بستے ہیں
بات سادہ سی ہے انور جی، اگر یاد رہے
لوگ ِمل جلُ کے بساتے ہیں تو گھر بستے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?