By: وشمہ خان وشمہ
ہر طرف ریگزار سا کچھ ہے
آئینے پر غبار سا کچھ ہے
اس کو دیکھا تھا میں نے خوابوں میں
مجھ پہ طاری خمار سا کچھ ہے
اس نے وعدہ کیا تھا آنے کا
آج بھی انتظار سا کچھ ہے
رحمتوں پر یقین ہے میرا
دل کو میرے قرار سا کچھ ہے
خود سے مایوس ہوں بہت لیکن
تجھ پہ تو اعتبار سا کچھ ہے
بارشوں کا خیال آتا ہے
دشت میں آبشار سا کچھ ہے
وشمہ دیکھا ہے تیرے ہونٹوں پر
اب پیام بہار سا کچھ ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?