By: azharm
یہ تو ممکن نہیں کہ من دیکھو
آدمی کا مگر سخن دیکھو
کوئی گُل چیں یہاں سے گزرا ہے
اُجڑا اُجڑا سا ہے چمن دیکھو
آگ بھڑکے گی ایک دن لازم
میرے سینے میں ہے اگن، دیکھو
ان کی گفتار پر نہیں جانا
ان کا کردار، ان کا فن دیکھو
عشق کا کام ڈوب جانا ہے
حسن والوں کا حسن ظن دیکھو
موت سے کیا مجھے ڈراو گے
باندھ رکھا تو ہے کفن دیکھو
ہاں، گُھٹن ہے، چَہَار سو اظہر
چل پڑے گی ابھی پَوَن دیکھو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?