Bazm e Urdu - The urdu poetry app

یہ چکنا چکنا سا چہرہ ہے یا ملائی ہے (گیت)

By: Dr.Zahid sheikh

ملا ہے حسن تو کافر ادا بھی پائی ہے
یہ چکنا چکنا سا چہرہ ہے یا ملائی ہے

نظر ملا کے مری جان ہی نکالی ہے
مٹک مٹک کے چلے کتنی نخرے والی ہے
تو ہاتھ آئے یہ مشکل ہے ہاں بہت مشکل
بڑی ہی تیز ہے سمجھا تھا بھولی بھالی ہے

خدا نے مرچ سی فطرت تری بنائی ہے
یہ چکنا چکنا سا چہرہ ہے یا ملائی ہے

بڑی خموشی سے کھڑکی پھلانگ آتی ہے
گرا کے برف کا پانی مجھے جگاتی ہے
ذرا بھی غصہ کروں یہ مری مجال کہاں
پکڑ لوں ہاتھ تو پھر شور تو مچاتی ہے

عجیب طور لیے زندگی میں آئی ہے
یہ چکنا چکنا سا چہرہ ہے یا ملائی ہے

قریب آ کے تو چپکے سے بھاگ جاتی ہے
زباں نکال کے ٹھینگا مجھے دکھاتی ہے
میں تیرے ناز اٹھاتا ہوں تو نہیں راضی
کیوں اس طرح سے مجھے سارا دن ستاتی ہے

یہ کیسی آگ سی دل میں مرے لگائی ہے
یہ چکنا چکنا سا چہرہ ہے یا ملائی ہے

ملا ہے حسن تو کافر ادا بھی پائی ہے
یہ چکنا چکنا سا چہرہ ہے یا ملائی ہے


Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?


Download on google play Download on appstore