By: zaigham jaffery
کسی حسیں دل نشیں صنم کی ستائے رکھتی ہے یاد اکثر
نہ آنے دیتی ہے نیند مجھ کو جگائے رکھتی ہے یاد اکثر
ہمارا ماضی اترا رہا ہے کٹار بن کر ہمارے دل پر
خیالِ ماضی نقوشِ ماضی سجائے رکھتی ہے یاد اکثر
گلابی ہونٹ اور سرخ چہرہ وہ مے سے لبریز اس کی آنکھیں
ہیں جب سے دیکھی مثالِ شمع جلائے رکھتی ہے یاد اکثر
جو کر لیا میں نے اس کو حاصل زمانے بھر کو عدو بنایا
یہی ذہن میں نا جانے کیوں کر بسائے رکھتی ہے یاد اکثر
وہ ڈر سے گھبرایا اس کا لہجہ مگر دلیرانہ گفتگو جو
ہنسا کے جاتی ہے اور کبھی تو رلائے رکھتی ہے یاد اکثر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?