By: Yusaf Anjum
ہرنام سنگھ پرنام سنگھ دے دل وچ ایہ گل آئی
اج توڑی تقدیر ملک دی کیوں نہ اساں بنائی
کم اے اوکھا کرئیے کسراں پلّے مال نہ دھیلا
وریاں توں نہ کھٹیا کائی توں وی میں وی ویہلا
پرنام سنگھ فیر آکھن لگّا غور نال سُن او بیبا
مینوں سُجھ گئی کنج چڑھے گی توڑ ایہ بیل او بیبا
آپاں کیوں نہ کر دیّئے امریکا اُتے حملا
ساڈے ملک تے کرے گا قبضہ اک نمبر دا یملا
قبضہ کر کے سمجھے گا اوہ مار لیا میدان
آپے دوے ترقّی اینہوں ہو جائو کم آسان
ھنگ لگے نہ پھٹکری تے رنگ وی آوے چوکھا
اوس مورکھ نوں پتہ نا لگّے ھویا کیہ اے دھوکھا
مونہوں تے کجھ بول بیلیا سِر کیوں سُٹیا تھلّے
عقل نوں میری جو کوئی پہنچے آکھے بلّے بلّے
ہرنام سنگھ فیر آکھن لگّا گل تاں تیری سونا
پر دل وچ میرے دھڑکو لگا انہونی دا ہونا
حل تاں جیہڑا لب لیا توں ایس توں اگّے کیہ
پر ھار گیا امریکا جے کر فیر کراں گے کیہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?