By: Ishraq Jamal Ashar Chishti
تم نے ظلمت کی سیا ہی کی سفا رت کی ہے
بیگنا ہ قوم کی قسمت کی تجا رت کی ہے
تم نے ہر دور میں موسٰی سے عداوت کی ہے
قہر ڈھاتے ہوئے فرعوں کی اطا عت کی ہے
پرسکوں موجوں کو طوفا ں کی علا مت کہہ کر
نا خدا بن کے طلا طم کی شہا دت دی ہے
حق کی تکذیب ازل سے ہے تمہارا شیوہ
تم نے ہر جھوٹ کی خوش ہو کہ حمایت کی ہے
اہل مظلوم سے نفرت تمہیں ورثے میں ملی
تم نے ظالم کے تشدد کی وکا لت کی ہے
تم کو شیطاں نے وفاؤں پہ تقرب بخشا
تم نے ابلیس کے لشکر کی قیادت کی ہے
تم نے شعلوں کو میرے گھر کے دکھا کر رستے
میری بدحالی کی دنیا میں اشا عت کی ہے
تم ہو اس دور کے کذا ب تمہا رے سر کو
اہل ایماں نے کچلنے کی بشا رت دی ہے
حق کے پیغام سے نفرت تمہیں دیرینہ ہے
تم نے الله کے فرماں سے بغا وت کی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?