By: Muhammad Faisal
یہ ہر لیلیٰ کا دیوانہ نہیں ہے
یہ ہر شمع کا پروانہ نہیں ہے
مجھے تو ہے فقط اِس بات کا غم
مجھے تم نے بھی پہچانا نہیں ہے
مرے جذبات سے تم بے خبر ہو
مری چاہت کو سچ جانا نہیں ہے
مجھے ڈر ہے کہیں تم نے بھی شاید
مجھے اپنا کبھی مانا نہیں ہے
مری غلطی پہ میرا سر ہے حاضر
کہ ناداں ہے یہ فرزانہ نہیں ہے
تری چاہت میں لیکن یہ میرا دل
فقط کہنے کو دیوانہ نہیں ہے
مری تم بات پہ کرلو بھروسہ
تمھارا ہے یہ بیگانہ نہیں ہے
بتایا حالِ دل فیصلؔ نے کھل کر
حقیقت ہے یہ افسانہ نہیں ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?