By: یحیٰ خان یوسف زئی
تری یادوں کے چراغوں میں یہ جلتی ہوئی رات
مری آنکھوں سے چھلکتی رہی ڈھلتی ہوئی رات
سم امروز سے مارا ہوا ہارا ہوا دن
کسی فردا کی امیدوں پہ بہلتی ہوئی رات
کبھی آنکھوں میں رکے کوئی گزرتا ہوا پل
کبھی سانسوں میں اٹک جاتی ہے چلتی ہوئی رات
نہ ٹلا ہے کبھی زخموں میں سلگتا ہوا دن
نہ تھمی ہے کبھی اشکوں میں ابلتی ہوئی رات
مرے ہاتھوں کی لکیروں میں مشقت دن کی
مرے خوابوں کے مقدر میں ہے ڈھلتی ہوئی رات
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?