By: Aisha Baig Aashi
ضبط کا مسکن تھکن سے چُور ہے
سانس کا بندھن تھکن سے چُور ہے
خوشبوؤں سے تازگی آئے تو کیوں
ہجر میں گلشن تھکن سے چُور ہے
دھڑکنوں کے ہیں قدم بکھرے ہُوئے
آج من آنگن تھکن سے چُور ہے
بہہ رہا ہے مثلِ آبِ بے سکوں
سوچ کا آہن تھکن سے چُور ہے
اس قدر عاشی مسافت دل نے کی
دل کی ہر دھڑکن تھکن سے چُور ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?