By: Ghulam Mujtaba Haashmi Yaasir Al Barkaati
جسے دل میں بسایا ہو، اسے رسوا نہیں کرتے
محبت کرنے والے تو ، کبھی ایسا نہیں کرتے
ترے ظلم و ستم کا ہم، کبھی شکوہ نہیں کرتے
ہم خود کو بھول جاتے ہیں ، تجھے بھولا نہیں کرتے
ترے چہرے کو تکتے ہیں، تجھے آنکھوں میں رکھتے ہیں
سوا تیرے کسی کو ہم، کبھی دیکھا نہیں کرتے
تجھے ہر لمحہ چاہا ہے، تجھے دل میں بسایا ہے
سوا تیرے خدا سے اور کچھ، مانگا نہیں کرتے
نہ کرنا اعتبار ان مہ رخوں کی بات کا یاسر
یہ وعدہ تو بہت کرتے ہیں، پر ایفا نہیں کرتے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?