By: وشمہ خان وشمہ
دکھ درد کو دنیا سے چلو مل کے مٹائیں
خوشیوں کے ہر اک سمت حسیں پھول کھلائیں
گورے کی نہ کالے کی ہو تفریق جہاں میں
انسان سے انساں کی محبت کو جگائیں
مذہب ہو ہر اک قوم کا انساں سے محبت
دنیا کو ہی جنت کا حسیں باغ بنائیں
بے گھر نہ رہے کوئ بھی کچھ ایسا کریں ہم
غربت نہ رہے بھوک غریبوں کی مٹائیں
تاریکیا مٹ جائیں گی ہر ظلم و ستم کی
ہم دیپ محبّت کے اگر مل کے جلائیں
جو دین کے دشمن ہیں وہ ہاریں گے یقینن
ہم لوگ اگر حق کی جو آواز اٹھائیں
تعلیم کریں عام اور اخلاق سنواریں
باتوں سے عمل سے نہ کسی دل کو دکھائیں
محفوظ رہیں گے سدا دشمن سے اے وشمہ
ہم راز اگر اپنے کسی کو نہ بتائیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?