By: انیس ابر
مال دنیا تلاش کرنا ہے
یعنی رتبہ تلاش کرنا ہے
آج انساں کو تپتے صحرا میں
بہتا دریا تلاش کرنا ہے
تو کنواری ہے کب سے اے دنیا
تیرا رشتہ تلاش کرنا ہے
اب چراغوں کی لو نہیں منظور
ید بیضا تلاش کرنا ہے
دشمنی پیار سے بھی کچھ اچھا
درمیانہ تلاش کرنا ہے
کر چکے سیر ہم سمندر کی
اب کنارہ تلاش کرنا ہے
مجھ کو پھر سے کتاب ماضی میں
تیرا چہرا تلاش کرنا ہے
ابرؔ دنیا کو چھوڑ جانے کا
اک بہانہ تلاش کرنا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?