By: Ahsan Mirza
اپنی آنکھوں میں کہیں مجھکو بسا لو اب تو
صفحہءِ دل پہ میرا نام سجا لو اب تو
جو گھٹا زلف کی چہرے پہ ہے پھیلی تیرے
اپنی انگلی سے اسے پیچھے ہٹا لو اب تو
لذتِ عشق سے محروم نہیں کر مجھکو
میری بانہوں میں کبھی خود کو بسا لو اب تو
تو بھی سجدوں میں بڑے عجز سے لفظوں میں مجھے
اپنے ہونٹوں سے کبھی مثلِ دعا لو اب تو
ہے میری روح میں ترا عشق، میری خاک میں عشق
تم اس ہی خاک کا اک محل بنا لو اب تو
کب تلک عشق میں رسوا یونہی ہوگے احسن
گریباں سی بھی چکو، صاف قبا لو اب تو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?