By: وشمہ خان وشمہ
تیری محفل میں عاشقی کے بغیر
کیا سناؤں میں دل لگی کے بغیر
چشم حسرت سے بہہ رہا ہے لہو
غم کے دریا میں اب نمی کے بغیر
کیسی دوری ہے آج کل مجھ سے
کیسی رنجش ہے دشمنی کے بغیر
جب سے شامل ہوں بزم یاراں میں
تب سے زندہ ہوں دوستی کے بغیر
سب ستارے اداس بیٹھے ہیں
چاند نکلا ہے چاندنی کے بغیر
کشت امید اب بھی باقی ہے
اس دریچے میں تیرگی کے بغیر
غم کا موسم چھپائے بیٹھا ہے
سارا گلشن ہی اک کلی کے بغیر
زخم زندہ ہیں آج بھی وشمہ
اس محبت کی روشنی کے بغیر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?