By: م الف ارشیؔ
مجھ کو اتنا تو معتبر کردے
اپنے آنے کی بس خبر کر دے
میرے لفظوں کو تو زباں دے کر
میرے لکھے کو تو امر کر دے
اے خدا دیکھ لوں یہ میں بھی اب
اس کو میرا تو منتظر کر دے
اس سے ملنے کا کوئی رستہ ہو
ہجر کو اس کے مختصر کر دے
بات ایسی کرے یہاں کوئی
ختم دل کا مرے جو ڈر کردے
ہوش مجھ کو نہیں رہا باقی
بات میری تو در گزر کر دے
بات ایسی بھی اب نہیں ارشیؔ
کوئی چپکے سے جو خبر کر دے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?