By: وشمہ خان وشمہ
پھولوں میں یہاں پہلی سی بو باس نہیں ہے
ترتیب بھی رنگوں میں کوئی خاص نہیں ہے
جس جوشِ محبت سے وفا میں نے نبھائی
وہ جوشِ جنوں اب بھی ترے پاس نہیں ہے
احساس کی دولت ہے لٹاتے ہی رہیں گے
احساس سے عاری کو تو احساس نہیں ہے
اب آنکھوں سے چاہت کی یہ ندیا نہ بہاؤ
اب تیری محبت کی مجھے پیاس نہیں ہے
غرقاب بھی ہونے نہیں دیتا مجھے وشمہ
اک شخص کو جینا بھی مرا راس نہیں ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?