By: mannan bijnori
تعریف کی تو برملا اسنے ہمیں جھوٹا کہا
لیکن ہمیں اچھا لگا اسنے ہمیں جھوٹا کہا
کیا کیا کہا کیا کیا سنا کیا پوچھتے ہو ماجرا
یہ دل خوشی سے جھوم اٹھا اسنے ہمیں جھوٹا کہا
وہ جو ہمارے صدق کا دیتا تھا ہم کو واسطہ
یہ بات کوئ کم ہے کیا اسنے ہمیں جھوٹا کہا
آنکھیں غزل زلفیں گھٹا چہرہ لگے ہے چاند سا
یہ سن کے سچ مچ باخدا اسنے ہمیں جھوٹا کہا
جھوٹے کا مطلب اور کیا ہوتا ہے دیکھو تو زرا
اک بار میں دو مرتبہ اسنے ہمیں جھوٹا کہا
سن کر قصیدہ حسن کا منان وہ کھل کر ہنسا
پھر اٹھ کے جب جانے لگا اسنے ہمیں جھوٹا کہا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?