By: washma khan washma
مجھ سے بھی درد دل کا مداوا نہ کر ابھی
جینے کا مجھ سے بھی کوئی دعوٰی نہ کر ابھی
شاہد مرے نصیب میں تیرہ شبی رہے
دل کے چراغ سے جو اجالا نہ کر ابھی
اپنے لہو سے تیری بچاؤں گی زندگی
وعدہ مرے طبیب کا ایفا نہ کر ابھی
اس نے مری نگاہ میں دیکھا ہے اپنا پیار
لیکن کسی طرح سےاندھیرا نہ کر ابھی
اس کو ہے کیا پتا کہ خزائیں بھی ہیں امر
آیا ہے ملنے آج بہانہ نہ کر ابھی
نظروں کے آسماں سے میں گر تو پڑی مگر
سوچا تھا اس نے جو وہ تماشا نہ کر ابھی
ملتی نہیں ہے منزلِ مقصود جب تلک
مجھ سے کبھی ضمیر کا سودا نہ کر ابھی
ٹھہرو ذرا میں روح کی چادر سمیٹ لوں
تیرے بغیر کچھ نہیں تنہا نہ کر ابھی
میں نے نکلنا بار ہا چاہا مگر یہاں
چشمِ خیال میں ترا گریہ نہ کر ابھی
ڈستا رہا ہے سانپ کی صورت حیات کو
وشمہ یہ میرے پاؤں کی پیڑیا نہ کر ابھی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?