By: Dr. Muhammed Husain Mushahid Razvi
سجے گا سر پہ انھیں کے شفاعتوں کا تاج
انھیں مِلا ہے یقینا وکالتوں کا تاج
بس اک چٹائی کا بستر ، شکم پہ ہے پتھر
نبی نے پہنا ہے کیسی قناعتوں کا تاج
زبان ساری فصیحوں کی ہوگئی گونگی
سجائے آئے جو آقا بلاغتوں کا تاج
کلیم طور پہ عرشِ عُلا سے پار ہیں یہ
نبی کو زیبا ہے رب کی قرابتوں کا تاج
مہک مہک اُٹھے کوچے جدھر سے گذرے آپ
اُنھیں عطا ہوا ساری لطافتوں کا تاج
وہ صدق و عدل و سخا و وفا کے پیکر تھے
جنھیں بھی بخشا نبی نے خلافتوں کا تاج
رضاؔ کی نعتوں کو تُو رہِ نُما بنائے رکھ
انھیں مِلا ہے مُشاہدؔ فصاحتوں کا تاج
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?