By: muhammad nawaz
یہاں ہر اک ادا جھوٹی،یہاں ہر اک سحر جھوٹا
متاع خشت کے طالب ترا ذوق نظر جھوٹآ
فقط صدق عمل ساقی ہمیشہ ساتھ رہتا ہے
جو ٹوٹے سانس تو چھوٹے سبھی رخت سفر جھوٹا
سفر سے تنگ آ کے لو چکوریں چیخ ہی اٹھیں
خلا جھوٹی،فضا جھوٹی،کرن جھوٹی،قمر جھوٹا
گرے پروانے کے لاشے سے اک آواز آتی ہے
یہ ساری روشنی جھوٹی،لگن سچی،شرر جھوٹا
کسی آتی خزاں کے خوف سے صحن گلستاں میں
ہراساں تتلیوں نے لکھا ہے ہر پھول پر “ جھوٹا“
جگایا علم کو کہہ کر کسی دیوانے عاشق نے
محبت سے ہے جو خالی تو تیرا ہر ہنر جھوٹا
ہوا سے کل صبح کہہ دی جو دل کی داستاں میں نے
گئی اٹھکیلیاں کرتی مجھے کہہ کر سحر “جھوٹا“
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?