By: wasim ahmad moghal
بُت بھی مصروفِ دُعا۔۔۔۔ لگتا ہے
نالہ یہ اَب کے رَسا ۔۔۔۔۔لگتا ہے
ہے کوئی بات خجالت کی۔۔۔ ضرور
اُن کا کچھ رنگ اُڑا ۔۔۔۔۔لگتا ہے
گل کوئی تازہ کھلا ہے۔۔۔۔۔ یارو
دل میں کچھ درد سِوا ۔۔۔۔لگتا ہے
دل کو ہیں اُس سے اُمیدیں ۔کیا کیا
نا خدا مجھ کو خدا ۔۔۔۔۔۔۔لگتا ہے
ساری دنیا کے حسینوں میں ۔۔مجھے
بس وہ ہی ایک بھلا ۔۔۔۔۔لگتا ہے
کون آیا ہے ۔۔۔۔۔۔ذرا دیکھو تَو
دل کا دروازہ کھلا ۔۔۔۔۔۔لگتا ہے
جب سے تُو مجھ سے خفا ہے پیارے
مجھ کو ہر شخص بُرا ۔۔۔۔۔لگتا ہے
وہ بھی اِک پھول ہےلیکن اُس سے
زخم اِک روز نیا ۔۔۔۔۔۔لگتا ہے
عشق وہ راہ گزر ہے۔۔ جس میں
زخم بھی ایک دیا ۔۔۔۔۔لگتا ہے
دل کوکیا ہو گیا ۔۔۔۔ معلوم نہیں
درد بھی دل سے جُدا ۔۔۔لگتا ہے
خونِ دل تم کو مُبارک ہو۔۔ وسیم
یہ انہیں رنگِ حِنا ۔۔۔۔۔لگتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?