By: UA
کیوں اپنے اپ کو خود سے ہی چھپایا جائے
کیوں دل کا مدعا نہ خود کو سنایا جائے
چاند نکلے تو نگاہوں میں نور بھی اترے
چاندنی کو نہ کیوں نظروں میں سمایا جائے
پھول کھلنے پہ تو باد صبا یہ چاہے گی
چل کے خوشبو کو سر عام پھیلایا جائے
بات چل نکلے تو ہر کوئی یہی سوچتا ہے
بات چل نکلی ہے افسانہ بنایا جائے
ہر ایک دل کی تمنا ہے کہ سب سے چھپ کے
خاص اک خواب نگاہوں میں سجایا جائے
دل کے نہاں خانے میں چپکے سے
منفرد اپنا جہاں کوئی بسایا جائے
میرا احساس مجھے باربار کہتا ہے
محرم راز فقط دل کو بنایا جائے
کوئی ایسا بھی ہو کہ جس کے لئے ساری عمر
خود کو دنیا کی نگاہوں سے بچایا جائے
میرے دل کی یہی چاہت رہی سدا عظمٰی
تیری چوکھٹ سے میرا سر نہ اٹھایا جائے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?