By: Dr. Riaz Ahmed
اندیشہ ہے وہ آکے نہ بھنبھوڑ دے مجھے
اس بے حسی سے کوئی تو جھنجھوڑ دے مجھے
جڑ جانا اُس سے ، ہی تو ہے بربادی کی وجہ
کوئی تو ہو سبب، جو اُس سے توڑ دے مجھے
جنس ہے ہر ایک اب غیروں کی منڈی میں
ضمیر میرا لے لے، چند کروڑ دے مجھے
فریب میں آکر کیا بےتیغ جو خود کو
ڈرتا ہوں کہ گردن سے نہ مروڑ دے مجھے
جس کے لئے اپنے کئے تھے جانبِ مقتل
خطرہ ہے اُسی راہ پہ، نہ موڑ دے مجھے
جانتا ہے قتل تھا تیرے لئے کیا
پھر میرا قصور کیا تو چھوڑ دے مجھے
پیاس جو بجھتی نہیں ، ہے اُس کا ارادہ
رگوں میں جو بچا نہیں، نچوڑ دے مجھے
بلبلہ ہوں میں ہوا میں تیرتا ریاض
خوف ہے ہر دم کوئی نہ پھوڑ دے مجھے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?