By: UA
ہمارا نقش اپنے دل سے وہ مٹا نہ پائے گا
میری الفت کے آگے ایک دن وہ ہار جائے گا
جہاں جائے گا مجھ کو اپنے آس پاس پائے گا
وہ میری نگاہوں کا آئینہ اپنے روبرو پائے گا
لاکھ لگائے قدغن کوئی دل کو روک نہ پائے گا
اپنی بات منا ہی لے گا جب جب یہ جی چاہے گا
عشق ہے یا دل لگی اپنا فسانہ ایک دن
آزما کے دیکھنا خود ہی پتا چل جائے گا
عشق سچا ہو تو ناممکن بھی ممکن ہو جائے
کیسا ہی دشوار رستہ ہو منزل تک پہنچائے گا
عزم صمیم لے کے چلیں ہم جو ایک ساتھ
ہمیں نہ روک پائے گا زمانہ ہار جائے گا
عظمٰی یہ گفتگو ہمارے درمیاں رہے
ورنہ یہ زمانہ اپنا عدو بنتا جائے گا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?