By: muhammad nawaz
چپکے سے آئینے کی حقیقت چرا کے لا
اے راز مجھے آج مجھی سے ملا کے لا
کب سے میرا نصیب ترستا ہے ضیا کو
مٹھی میں کبھی یاد کے جگنو دبا کے لا
تم کو بھی داد حرف کا آ جائے سلیقہ
دل کو نگار حسن سے جا جا ملا کے لا
ممکن ہے اب بھی ان سے صدا قیس کی آئے
صحرائے نجد سے ذرا پتھر اٹھا کے لا
اے شوق کی معراج لب یار سے جا کر
یونہی کبھی خمار کے موسم چرا کے لا
کس نے کہا چکور کی بے لوث ادا کو
جوش جنوں پہ چاند کی کرنیں سجا کے لا
آیا ہے تیرے شہر میں اک شخص یگانہ
پلکوں پہ اسکی پھونک سے شمعیں جلا کے لا
مدت سے ڈھونڈتے ہو ناں آب حیات کو ؟
جا اب کے میرے خون میں آنسو ملا کے لا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?