By: Dr. Muhammed Husain Mushahid Razvi
اے اہلِ محفل بڑی کٹھن ہے سنیں تو گذرگاہِ عشق
گذر سکیں آسانی سے ممکن نہیں شاہ راہِ عشق
اُس کو آزادی کا مژدہ مل گیا ہے دہر میں
جس کو شہِ کونین کی حاصل ہوئی پناہِ عشق
دل اس کا نور آشنا پل بھر لوگو! ہوگیا
اک بار جس پر پڑ گئی رحمت بھری نگاہِ عشق
دل کو لگائیں بس شہِ کون و مکاں کی ذات سے
عشقِ رسولِ پاک ہے بے شک شہنشاہِ عشق
عشق سے تخلیقِ کل ، عشق سے عقل و شعور
عشق سے معراج ہے ، کیسا ہے عزّو جاہِ عشق
منزلیں اُس کے قدم کو بوسہ دیتی ہیں ضرور
جو کہ چلا خلوص سے لاریب! گذرگاہِ عشق
عشق ہے تسکینِ جاں ، عشق ہے رحمت نشاں
قلبِ مُشاہدؔ پر رہے چھایا ہمیشہ ماہِ عشق
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?