By: امت شرما میت
یہ لگتا ہے اب بھی کہیں کچھ بچا ہے
تمہارا دیا زخم اب تک ہرا ہے
کہو کون سی شکل دیکھو گے اب تم
یہ چہرہ تو اک آورن سے ڈھکا ہے
لگا ہے زمانہ عبادت میں جس کی
وہ رہتا کہاں ہے تمہیں کچھ پتا ہے
گناہوں سے توبہ کرو وقت رہتے
وگرنہ تو دوزخ کا رستہ کھلا ہے
محبت محبت محبت محبت
اماں یار چھوڑو یہ ہلکا نشہ ہے
بھلائی کرو تو ملے ہے برائی
یہ قصہ مری زندگی سے جڑا ہے
غلط فہمیاں میتؔ رکھو نہ دل میں
وہی سچ نہیں جتنا تم نے سنا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?