By: UA
حقیقت میں وہی تو ہم سے سچا پیار کرتے ہیں
جو اپنی برہمی کا بر ملا اظہار کرتے ہیں
تمہاری صاف گوئی پہ ہمیں شکوہ نہیں لیکن
کبھی دھوکہ نہیں دینا یہی اصرار کرتے ہیں
خوشی کا مسکرانے سے تعلق واجبی نہ ہو
زبردستی کے مسکانے سے ہم انکار کرتے ہیں
جو کہنا ہے ہمیں جاناں ہمیشہ دل سے ہی کہنا
کہ جب تک دل نہ راضی ہو نہیں اقرار کرتے ہیں
نگاہوں اور لبوں کی گفتگو باہم نہ ہو جب تک
زبانی گفتگو پہ ہم بہت تکرار کرتے ہیں
ہم خاموش رہتے ہیں زبان سے کچھ نہی کہتے
زبانِ حال سے ہر بات کا اظہار کرتے ہیں
تمہاری ذات کا پرتو ہمارے ساتھ ہو جائے
ہم اپنی ذات سے عظمٰی قطعاً انکار کرتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?