By: م الف ارشیؔ
آتی ہے مجھ کو خوشبو مدینے کی دھول سے
چہرہ دمک رہا ہے یوں عشقِ رسولﷺ سے
میری تو بس یہی ہے شب و روز اب دعا
آئے بلاوا میرا بھی درِ رسولﷺ سے
جتنی بھی مشکل آن پڑے کوئی غم نہیں
دل کو سکون ملتا ہے ذکرِ رسولﷺ سے
مجھ کو کسی دوا کی بھی حاجت نہیں رہی
مجھ کو شفا ملے گی مدینے کی دھول سے
میں کیوں رہوں پریشاں زمانے کی چال سے
مجھ کو ہے پیار انﷺ کے بتائے اصول سے
مجھ کو نہیں ہے جانا کہیں بھی یہاں سے اب
اٹھ کر کہاں میں جاؤں گا درِ رسولﷺ سے
رحمت بنا کے بھیجا ہے سارے جہان کی
سب کچھ ملے گا ہم کو دیارِ رسولﷺ سے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?